16

سوشانت سنگھ کی بہن اپنے بھائی کا خط منظرعام پر لے آئی

میں اپنی 30 سالہ زندگی میں ہر طرح سے اچھا بننا چاہتا تھا، سوشانت سنگھ راجپوت۔ فوٹو:فائل

میں اپنی 30 سالہ زندگی میں ہر طرح سے اچھا بننا چاہتا تھا، سوشانت سنگھ راجپوت۔ فوٹو:فائل

 کراچی: خودکُشی کرنے والے بالی ووڈ اداکار سوشانت سنگھ راجپوت کا لکھا ہوا خط منظر عام پر آگیا ہے۔

سوشانت سنگھ راجپوت کی ممبئی میں واقع ان کے گھر سے پھندا لگی لاش برآمد ہوئی تھی جوکہ اب تک ایک معما بنی ہوئی ہے تاہم اُن کی موت کے بعد سے اداکار کی بہن شوئیتا سنگھ کی جانب سے سوشانت کے ماضی کے کئی بیان اور باتیں شیئر کی جاتی ہیں اور اس بار بھی وہ اپنے بھائی کا لکھا یادگار خط منظر عام پر لے آئی ہیں۔

شوئیتا سنگھ نے انسٹا گرام پر اپنے بھائی کا خط شیئر کیا جس میں انہوں نے لکھا ہے کہ مجھے لگتا ہے کہ  اپنی زندگی کے 30 سال کچھ بننے میں ہی گزار دیئے ہیں کیوں کہ میں ہر طرح سے اچھا بننا چاہتا تھا۔ یہاں تک کہ میں ٹینس، اسکول اور گریڈز میں بھی اچھا بننا چاہتا تھا۔

سوشانت نے یہ بھی لکھا کہ جو کچھ بھی میں اس پس منظر میں دیکھتا تھا اور جس راہ پر میں تھا، اس سے میں متفق نہیں تھا اور جب میں تمام خواہشات حاصل کرکے اچھا بن گیا تو مجھے محسوس ہوا کہ میں غلط راہ پر گامزن ہوں کیوں کہ کھیل ہمیشہ اپنے آپ کو تلاش کرنے کا تھا جو کہ میں پہلے ہی کر چکا تھا۔

یہ خبر بھی پڑھیں: کنگنا نے سشانت سنگھ کی موت کا ذمہ دار بھارتی میڈیا کو قرار دے دیا

واضح رہے کہ  ’’چھچھورے‘‘، ’’قدرناتھ‘‘، ’’ایم ایس دھونی‘‘ اور ’’پی کے‘‘ جیسی فلموں میں اہم کردار ادا کرنے والے سشانت سنگھ راجپوت 14 جون کو ممبئی میں واقع اپنے فلیٹ میں مردہ پائے گئے تھے۔

اس خبر پر اپنی رائے کا اظہار کریں