23

بالی ووڈ سپراسٹارز جعلی اداکاری کرتے ہیں، نواز الدین صدیقی

بالی ووڈ کے معروف اداکار نواز الدین صدیقی کا کہنا ہے کہ بالی ووڈ کے تمام سپراسٹار جعلی اداکاری کرتے ہیں۔

بھارتی میڈیا رپورٹ کے مطابق فلم گینگ آف واسے پور، بجرنگی بھائی جان اور رئیس سمیت متعدد فلموں میں اداکاری کرنے والے نواز الدین صدیقی نے بالی ووڈ کے اداکاروں پر تنقید کرتے ہوئے کہا کہ بہترین اداکاری کی وجہ سے کہلائے جانے والے بالی ووڈ کے  سپر اسٹار حقیقی اداکاری کے بجائے جعلی اداکاری کرتے ہیں۔

نواز الدین صدیقی نے اداکاری میں شوق رکھنے والے لوگوں کو مخاطب کرتے ہوئے کہا کہ میں اپنے تجربے سے یہ کہوں گا کہ اگر آپ لوگوں کو اداکاری کرنی ہے تو اس کے لئے ضروری ہے کہ آپ اپنے اندر چھپے حقیقی اداکار کو سامنے لائیں، بجائے اس کے کہ آپ کسی اور سے متاثر ہو کر اس کی طرح اداکاری کریں۔

یہ خبر بھی پڑھیں: انڈسٹری میں 100 کروڑ کا بزنس کرنے والے کو ہی اداکار سمجھا جاتا ہے، نواز الدین صدیقی

انہوں نے یہ بھی کہا کہ سپراسٹار جعلی اداکاری کرتے ہیں تو ان کی پیروی نہ کریں، نئے اداکار خود سے کچھ منفرد کرکے دکھائیں کیوں کہ لوگ آپ کی اداکاری دیکھنا چاہتے ہیں۔

یہ خبر بھی پڑھیں: راجکمار ہیرانی نے نواز الدین صدیقی کو بہترین اداکار قرار دے دیا

اداکار کا کہنا تھا کہ اگر آپ کسی سپراسٹار کی طرح ہی اداکاری کریں گے تو پھر لوگ آپ کو کیوں دیکھیں گے لیکن اگر آپ اداکاری کے فن کو قدرتی صلاحیتوں کے ساتھ دکھائیں گے تو لوگوں کی تمام تر توجہ آپ پر ہی ہوگی اور ایسے اداکاروں کو لوگ دیکھنا بھی پسند کرتے ہیں۔

اس خبر پر اپنی رائے کا اظہار کریں